Sony首現鏡頭DC　一嘟夾機即影

手機攝影已成生活一部份，但事後放大細味，才驚覺成像不夠Sharp！今次Sony QX100及QX10的分體式鏡頭，以WiFi或NFC跟各大牌手機連動，嘟機多角度取景，勁玩分離概念，最潮拍攝神器，仲唔係佢？


[b]鏡頭身相機心[/b]
早在月初柏林IFA電子展，QX100及QX10已是展覽中最受歡迎嘅產品，無他嘅，事關呢兩款產物，係鏡頭加DC而生嘅新晉混血兒。雖然外形小巧，但規格隨時比一般DC仔勁！較高階的QX100，單係所用的Exmor R CMOS感光元件已足足1吋，而且2,020萬有效像素，同被譽為「高級玩具」嘅Sony RX100 II睇齊！至於鏡頭配備了該品牌高端機型才用上嘅蔡司鏡，雖然焦距只有3.6倍的28mm至100mm，但F1.8最大光圈，加上光學防震，由朝拍到晚，都Keep到成像效果。
入門機QX10的規格，或者不及QX100吸引，但光學變焦能力，反而高至10倍，換算35mm菲林尺寸，最Wide可以去到25mm，影多人團體相都可以應付！至於機身顏色更有黑、白兩色，而白機金鏡的配搭，望落都幾優雅，女仔必備。連作為黑色Gadget迷嘅小記，都覺得白機較特別！

[img]http://static.apple.nextmedia.com/images/apple-photos/apple_sub/20130917/large/17fu9pzok.jpg[/img]
■QX10另有白色可選，售價為$1,980。雖配備10倍光學變焦鏡頭，但最大光圈只有F3.3，影夜景或者較QX100遜色。

[img]http://static.apple.nextmedia.com/images/apple-photos/apple_sub/20130917/large/17fu7p.jpg[/img]
■兩款產品都可使用Micro SD卡儲存相片。

[img]http://static.apple.nextmedia.com/images/apple-photos/apple_sub/20130917/large/17fu4p.jpg[/img]
■QX100可使用鏡頭外的對焦環，作手動對焦。

[b]接駁NFC快過WiFi[/b]
不論你的手機是iOS或Android作業系統，都可用WiFi或NFC跟QX100或QX10配對使用，只要手機下載了《PlayMemories Mobile》App，並把鏡頭下方的夾子，夾於手機背面便可拍攝，基本上Note2以下尺寸如Galaxy S4、LG G2或HTC One都能夾緊。
試過兩種方法，個人覺得用NFC一觸即配的連接效率較高，但用WiFi的話，輸入一次密碼，之後都會自動配對，各有各方便，接駁需時約五至十秒左右。不過要提的是，當需要Share相的話，鏡頭便會自動與手機斷線，若要Post相上Facebook的話，建議拍完照，先慢慢揀相。

[img]http://static.apple.nextmedia.com/images/apple-photos/apple_sub/20130917/large/17fu6p.jpg[/img]
■iPhone用家可以WiFi跟QX100或QX10連接，密碼在電池底蓋中。

[img]http://static.apple.nextmedia.com/images/apple-photos/apple_sub/20130917/large/17fu5p.jpg[/img]
■兩款產品均可與手機分離使用，令取景角度更多變。


[b][size=5]夾機影[/size][/b]

[img]http://static.apple.nextmedia.com/images/apple-photos/apple_sub/20130917/large/17fu11p.jpg[/img]
正光：膚色細緻
Apple iPhone5
ISO160, F4.0,1/200sec
用WiFi連接關係，首次配對時間較長，入埋密碼約10秒完成。


[img]http://static.apple.nextmedia.com/images/apple-photos/apple_sub/20130917/large/17fu13p.jpg[/img]
側光：對比度高
LG G2
ISO160, F4,1/320sec
由NFC連接，拍攝至Load相所花時間，屬3部測試機中最快。


[img]http://static.apple.nextmedia.com/images/apple-photos/apple_sub/20130917/large/17fu14p.jpg[/img]
背光：顏色偏紅
Samsung Galaxy S4
ISO160, F2.8,1/500sec
S4同樣支援NFC連接，時間頗快，約兩至三秒便能配對。



[b][size=5]睇畫質[/size][/b]

[img]http://static.apple.nextmedia.com/images/apple-photos/apple_sub/20130917/large/17fu15p.jpg[/img]
ISO500, F2,1/30sec
前後景深強烈，細看下還看到箱子紋理。


[img]http://static.apple.nextmedia.com/images/apple-photos/apple_sub/20130917/large/17fu16p.jpg[/img]
ISO160, F4.5,1/100sec
樓宇外形及窗框等線條都相當筆直，驟眼看不到有桶狀變形的情況。

[b][size=5]途人有Say[/size][/b]

[img]http://static.apple.nextmedia.com/images/apple-photos/apple_sub/20130917/small/17fu19p.jpg[/img]
Hanson（保險）
試玩後覺得它十分便攜，還可以自拍，幾過癮。


[img]http://static.apple.nextmedia.com/images/apple-photos/apple_sub/20130917/small/17fu20p.jpg[/img]
Henry（銀行）
可以用NFC配對，又可以與手機分離使用，夠晒方便。


[img]http://static.apple.nextmedia.com/images/apple-photos/apple_sub/20130917/small/17fu22p.jpg[/img]
Vincent（售貨員）
操作手感不錯，QX10的小巧尺寸，方便我放落Clutch Bag。


[img]http://static.apple.nextmedia.com/images/apple-photos/apple_sub/20130917/small/17fu10p.jpg[/img]
[b][size=5]Sony Cyber-shot DSC-QX100[/size][/b]
感光元件：1吋Exmor R CMOS
有效像素：2,020萬
鏡頭：蔡司Carl Zeiss Vario-Sonnar T（3.6倍光學變焦）
焦距：28mm至100mm
最大光圈：F1.8
感光度：ISO160至6,400
影片解像度：1,440×1,080
體積：62.5×62.5×65.5mm
重量：179g



來源:蘋果日報網站